الثلاثاء، 5 يوليو، 2011

خطوات الانشاء للمبتداين والطلبه باسهل التفاصيل


وسنتناول منزل سكني بسيط
مرحله ما قبل التنفيذ.
1-وهي زياره المهندس المعماري للموقع وعمل رسم كروكي له.
حيث يحدد ابعاد قطعه الارض وما يحدها من جوانب من حيث كونه جار او شارع .
وتحديد الجهه القبليه والبحريه للمنشا.
2- يقوم المهندس المعماري بناء علي المعلومات التي جمعها برسم المنشا مع مراعاه اخذ راي المالك في الرسومات لانه في الاول والاخر هو صاحب الشان.
ملاحظات مهمه.
ليه بنحدد الجهه البحريه ؟
عشان مينفعش احط الحمام والمطبخ فيها لانها هتسبب رائحه كريهه بالشقه لذلك يفضل وضعهم في الجهه القبليه.
اما البحري يوضع به الغرف او الاستقبال.
يفضل عزل الاستقبال عن باقي اجزاء الشقه بعمل طرقه توزيع.
يفضل ايضا في المعماري عمل منور خلف السلم وبين الحمام والمطبخ وعند الغرف التي ليس لها اناره طبيعيه وذلك للتهويه.
يفضل ان يكون اتجاه دوران السلم عكس عقارب الساعه
بعد ذلك يقوم المعماري برسم اللوح المعماري وارسالها للمكتب الاستشاري او مهندسين التصميم 
 يسلم المهندس المعمري الرسومات للمكتب الهندسي
وياتي دور مهندس التربه الذي يقوم بعمل جسات للتربه
تعالي نتعرف يعني ايه جسه وليه بنعمل تقرير للجسه
الجسه بالعميه كدا اني باخد عينات من التربه واعمل عليها اختبارات عشان اشوف قدره تحملها وهنشوف يعني ايه برده الكلام ده.
بص يا سيدي
لو والله تقرير الجسه طلع حلوا يبقي خير وبركه نتوكل علي الله ونبدا التنفيذ.
طب لو طلع وحش
نطر نعمل احلال وحجات تانيه حسب التقرير
فالتقرير بتاع الجسه بيحدد قدره تحمل التربه للمنشا اللي عليها وعن طريقه نقدر نحدد نوع الاساسات المستخدمه.
زي ما احنا عارفين ان الاجهاد= وزن المنشا / مساحه
فنقسم الاجهاد علي B/Cونشوف الرقم اللي هيطلع لو كان اقل من 0.67 يبقي نستخدم قواعد
طب لو كان الرقم محصور بين 0.67 و 1.0 اذا نستخدم لبشه ومتقلقوش هنتعرف علي كل نوع باذن الله.
طب لو كان اكبر من 1.0 يبقي نستخدم خوازيق.
يجي دور المكتب الاستشاري ياخد تقرير الجسه ويحدد نوع الاساسات
في حاجه كنت عايز اقولها قبل ما نبدا في التعرف علي القواعد والاساسات
المفروض في شويه اختبارات نعملها ع المواد اللي هنستخدمها في التنفيذ وطبعا ذي ما احنا عارفين ان الكلام ده مش بيحصل الا في الشركات العملاقه والاجنبيه اي هيا الاختبارات دي
نشوف كدا
1- اختبار الشد.
2-اختبار الضغط.
3-اختبار التقوس bending
4-اختبارstatic shear وده نوعين هما (direct (shear&torsion
5- اختبار الصلاده.
>>>>>>>>>>>>>>>>>>>
والان احبتي في الله ده دورنا بقا
خلاص جه دور المهندس التنفيذي
اذاي ؟
بصوا انت بصفتك مهندس تنفيذي هتستلم الموقع وتخلي المقاول يساوي الارضيه
ونبدا بعمل حدود حول المنشا وبنعمل حاجه اسمها خنزيره ليه عشان اوقع المحاور عليها وتساعدني في شد الخيطان كمان بنظف الارضيه
يجي دلوقتي عمليه الحفر اهم حاجه في الحفر
1- يكون منسوب جميع القواعد واحد وده بحققوا عن طريق ميزان المياه .
2- اتاكد من راسيه جوانب الحفر وده بمجرد النظر او بميزان الزمبه.
3- اتاكد من نزح المياه اللي ممكن ترشح في الحفر.
4- ابعد الردم الناتج من الحفر قدر الامكان عن الموقع ليه اقولكم انا ليه
عشان يبقي في قدام الموقع مكان واسع لتشوين المواد والخلط وعشان المقاول يعرف ينزل الخشب
5- الحفر بالمقاسات الموجوده في اللوحه مش من دماغنا.
6- سند جوانب الحفر اذا كانت هشه بالواح بونطي.
طب عايزين بقي نقيس كميه الحفر عشان المقاول يحاسب العمال اللي حفروا بنكعب الحفر
اذاي
نضرب العرض* اطول * الارتفاع *عدد القواعد اللي لها نفس الابعاد
وبعد كدا نجمعهم يطلعلنا كميه الحفر بالمتر المكعب
<<<<<<<<<<<<<<<<<<<<<<<<<<<<<<<<<<<<
والان تعالوا سويا نتعرف علي كيفيه تنفيذ اعمال النجاره والحداده والصبه كمان للقواعد بس خلو بالكم معايا وافهموا الكلام كويس.
اولا النجاره
بص يا سيدي بعد ما النجار بيعمل الخنزيره  .
بيروح شادد خيطان بالابعاد اللي في اللوحه ويدق مسمار ع الخنزيره عشان اعلم بس مكان المحور عشان لو شلت الخيطان اعرف ارجعلها تاني
هيبدا النجار بعمل صندوق من الخشب بابعاد القاعده العاديه و.
بعد كدا نصب العاديه
طب اذاي بمعني ايه كميه الخرسانه اقولكم انا
1م3 زلط +0.5م3 رمل+ 250كجم اسمنت =1.5م3 خرسانه عاديه طبعا مننساش المياه 160 لتر
2 برويطه زلط + 1 برويطه رمل + المفروض نصف شيكاره اسمنت بس تجاوزا خليها شيكاره
ابسطهالكم
يعني نحط في كل قلبه للخلاطه
5 مقاطف زلط + 3 مقاطف رمل + نصف شيكاره اسمنت + طبعا المياه
اتاكد منين ان الخلطه كويسه طبعا متكونش سايبه زي البلوظه ومتكنش متماسكه زي الجبس لكن تبقي متوسطه التماسك ولو كانت القاعده بترشح مياه اثناء الصب يبقي نقلل كميه المياه ده شي بديهي.
بعد الصب.
طبعا سمك العاديه بيكون 40 سم او حسب الرسومات.
بعد ما نخلص العاديه يجي دور المسلحه ودي شغلانه لوحدها .
في نوعين من المسلحه
1- كبس يعي نصب القاعده مكان الحفر من غير نجاره
2- صندقه القواعد يعني نعمل صندوق من الخشب ونصب القاعده فيه ويفضل ان تكون ابعاد العاديه اكبر من ابعاد المسلحه وذلك لتوزيع الاجهاد بانتظام.
في انواع للقواعد بصفه عامه.
1- قواعد منفصله وده معناه ان لكل عمود قاعدته الخاصه بيه.
2- قاعده مشتركه يعني ممكن قاعدتين ادمجهم في بعض وده في حاله لو العمودين قريبين من بعض.
3-قواعد شريطيه. اكثر من قاعده كتصلين ببعض علي هيئه شريط مستقبم.
4-شدادات ودي بتيقي عند الجار عشان bending .وهنتعرض لها في وقتها.
تسليح القواعد بيكون مبين في الرسومات نظام تبادلي سيخ علي حرف L وقطر السيخ محدد في اللوحه وعددهم بس اهم حاجه تثبيت القاعده كويس.
5- احافظ علي اني اعمل cover او غطا بسمك 5 سم وذلك للمحافظه علي حديد التسليح.
نثبت بعد كدا اشاير الاعمده وده اهم شي.

خلي بالك............
1- يجب استخدام زلط فولي اللي هو حبيته صغيره او السن ليه لتماسكه مع الخرسانه وتوزيعه بانتظام.
2- يجب غسل الزلط قبل استخدامه
3- يجب استخدام اسمنت سي ووتر في حاله الرشح المستمر للمياه او لو مجاورين للبحر
4- يجب استخدام رمل خالي من الاتربه واي مواد غريبه.
5- يجب استخدام زلط تدرجه الحبيبي كويس واهم حاجه خالي من الاتربه.
6- يجب استخدام المياه النظفه المستخدمه للشرب
7- يجب استخدام اسمنت لم يمر علي تاريخ انتاجه اكثر من 60 يوم .
8- يجب استخدام حديد خالي من الصدا ده مش يفضل ده لازم كل اللي قلناه يحصل.
9- يجب المسلحه تقريبا 60 سم او حسب التصميم .
الخرسانه المسلحه عباره عن
0.8 م3 زلط + 0.4 م3 رمل + 350 كجم اس

الاثنين، 4 يوليو، 2011

حساب كميات باسرع الطرق وانت واقف يعني


من المعروف ان هناك ثلاثة طرق رئيسية لتصميم الاسقف الخرسانية
طريقة البلاطات و الكمرات
نسبة حديد التسليح 80 - 100 كجم /متر مكعب من الخرسانة المسلحة بمتوسط 90 كجم /متر مكعب من الخرسانة المسلحة و بسمك متوسط لمجموع البلاطات و الكمرات معا حوالى 17 سم
طريقة اسقف من البلاطات اللاكمرية
flat slab
نسبة حديد التسليح من 130 - 150 كجم / متر مكعب من الخرسانة المسلحة بمتوسط 140 كجم / متر مكعب من الخرسانة المسلحة و بسمك متوسط 20 سم
طريقة البلاطات الخرسانية ذات الاعصاب و البلوكات المفرغة
Hollow Blocks
نسبة حديد التسليح من 110 - 130 كجم / متر مكعب من الخرسانة المسلحة بمتوسط 120 كجم/متر مكعب و بسمك حوالى 27 سم
و اصبحت الطريقة الثانية هى الاكثر شيوعا فى التصميمات الحالية لانها الاكثر مرونة للتعديلات الداخلية للحوائط مما يجعل التصميم الواحد ينفع للادوار المختلفة فى المنشأ كما يسمح بالمساحات المفتوحة التى نطلق عليها الريسبشن
بدون كمرات ساقطة او اعمدة وسطية كما انه اسهل و اسرع فى التنفيذ للمقاولين

و هذه امثلة حسابية لعمارة سكنية بمسطح 100 متر مربع للدور الواحد تتكون من بدروم و ارضى و 3 ادوار متكررة
باستخدام الطريقة الاولى
كمية الخرسانة المسلحة لسقف الدور الواحد بدون الاعمدة و السلالم = 100 متر مربع *17 سم=17 متر مكعب
كمية الخرسانة لعدد 5 اسقف =17 *5 =85 متر مكعب
كمية الحديد المستخدم لسقف الدور الواحد = 17 *90 كجم /متر مكعب =1.53 طن
كمية الحديد لعدد 5 اسقف = 1.53 *5 = 7.65 طن
باستخدام الطريقة الثانية
كمية الخرسانة المسلحة لسقف الدور الواحد بدون الاعمدة و السلالم = 100 متر مربع * 20 سم = 20 متر مكعب
كمية الخرسانة لعدد 5 اسقف = 20 * 5 = 100 متر مكعب
كمية الحديد المستخدم لسقف الدور الواحد = 20 * 140 كجم /متر مكعب = 2.8 طن
كمية الحديد لعدد 5 اسقف = 2.8 *5 = 14 طن
نلاحظ فرق كمية الحديد بين الطريقة الاولى و الطريقة الثانية
و يمكن استخدام الطريقة الثانية فى منطقة الاستقبال فقط و التى تمثل حوالى 35 % _ 40 % من مجمل المسطح
ده مثال لمساحة 100 متر ممكن قسمة اى مساحة على 100 و ضرب الكميات فى هذه النسبة للحصول على كمية عمارتك
ولا تنسى ان توفير كمية حديد يقابله توفير فى كمية الخرسانة و موادها الباقية

بالنسبه لباقي العناصر الانشائيه


المتر المكعب خرسانة للقواعد يحتاج إلى 80 كلجم حديد
الميد والأعمدة والكمرات  كذلك 80 كلجم
السقف العادي 100 كلجم والهوردي 120 كلجم .
ولكن تبقى الكميات تقديرية كما قلن

الفواصل في المنشأت المدنيه

الفواصل في المنشأت المدنيه
--------------------------------------------------------------------------------
البعض أو ينسي أهمية الفواصل بالخرسانة, وقد يسبب هذا التناسي أو الإهمال أضرار بالمباني وتصدعات وشروخ كان بالإمكان تداركها .
ويمكن فرز أنواع أو أقسام فواصل الخرسانة Concrete Joint علي النحو التالي :


1. فاصل الصب Construction Joint

هو الفاصل الناتج عن عمل صبتين متجاورتين للخرسانة , و يتوجب عمله بسبب عدم الصب بعملية مستمرة ومضي فترة زمنية بين عملية الصب .
ويجب عمل فاصل الصب للخرسانة في أماكن القص الأقل Minimum Shear سواء كان ذلك للبلاطات أو الكمرات أو الأرضيات ….


2. فواصل التمدد Expansion Joint

الغرض من عمل فواصل التمدد للمباني هو التحكم في الشقوق التي تحدث للخرسانة ولخفض مقاومة التمدد والانكماش في الخرسانة نتيجة لعوامل الطبيعة وتأثير البيئة

ويجب اختيار الأماكن المناسبة لفواصل التمدد الراسية في المباني والتي من الممكن أن تظهر فيها الشروخ بسبب قوة الشد الأفقية Horizontal stress
وتحدد المسافة بين فاصل تمدد وأخر بناء علي توقع تمدد حائط مبني أو جزء منه ومقاومة تصميم الحائط لقوة الشد الأفقية وأماكن تواجد الفتحات في الحائط ..أبواب شبابيك …الخ


عرض فاصل التمدد 2سم والمسافة الأفقية في المباني الخرسانية تتراوح بين 40 إلي 60 م مع مراعاة عمل فواصل أخرى في أجزاء المبني الغير متكافئة في الوزن , والبعد الأفقي بين فاصل تمدد وآخر للأسوار المستمرة 12 م .

يجب مراعاة تأثير التغييرات الحرارية والرطوبة والانكماش للخرسانة عند تصميم المنشأة .

3. فواصل الهبوط Settlement Joint

الغرض من هذا النوع من الفواصل هو حماية المباني من هبوط للتربة والتي تسبب إزاحة راسية Vertical Displacement وتكون في الأماكن أو أجزاء المبني الغير متكافئة بالوزن أو أماكن حدوث الهبوط

ويجب أن تعمل بفاصل قاطعا طول المبني بأكمله وسمك في حدود 2سم و يبدأ الفصل من الاساسات وينتهي في اعلي سقف مرورا بجميع الأدوار ويجب اخذ الاحتياطات عند التصميم لعوامل الرطوبة والندي الذي قد يتكون داخل هذه الفواصل .

4. فواصل العزل Isolation Joints

تسمح بالتمدد الأفقي البسيط الناتج عن انكماش البلاطات أو الاساسات أو الحوائط , كما أنها تسمح بالتمدد الراسي عند حدوث هبوط بالتربة ومن المهم أن لا تحوي أي نوع من أنواع التسليح .

5. فواصل التحكم Control Joint

الغرض منها السماح للخرسانة بالانضغاط ومنع حدوث شروخ ناتجة عن انكماش الخرسانة بسبب التغير الحراري و يتم عملها لبلاطات الأرضية لتسمح بتمدد البلاطة الأفقي فقط ولا تسمح بالهبوط

6. فواصل تخفيف الضغط Pressure Reliving Joint

خاصة بالتمدد الأفقي في المنشآت الإطارية التي تعمل فيها تكسيه للحوائط أو الحوائط الستائرية .
وتهدف إلي تخفيف الضغط علي الكسوة , وتظهر واضحة في تكسيات الحوائط مثل الرخام …الخ والحوائط المفرغة

السبت، 2 يوليو، 2011

المستندات المطلوبه لتراخيص البناء

المستندات المطلوبه لتراخيص البناء
1 - عقد ملكيه الأرض
2- صورة بطاقة المالك
3 - طلب ترخيص ويتم توريد رسم المعاينة عليه
4 - الرسومات المعمارية كامله والانشائيه كامله كما هوة موضح بالمحاضرة رقم 20 وتكون معتمدة من مهندس نقابي
5 - شهادة إشراف علي التنفيذ معتمدة من مهندس نقابي
6 - تقرير تربه من مهندس استشاري أساسات
7 - تقرير صلاحيه معتمد من مهندس استشاري تصميم منشآت خرسانية
8 - نوته حسابيه معتمدة من مهندس نقابي
9 - يتم تقديم اصل + اربع صور من كل رسم
10 - وثيقه تامين علي الاعمال المطلوب الترخيص بها وقيمتها 0.5 % من قيمه الاعمال والتي يقررها مجلس المدينه
11 - بعد ما حضرتك تاخذ خطاب لشركه التامين من مجلس المدينه ومعه عدد نسختين من كل رسم(معتمدين بختم النسر من المجلس ) يتم عمل وثيقه التامين بمعرفه مهندس استشاري ( أساسات أو تصميم منشآت خرسانية )
12 - بعد ورود أوراق شركه التامين تقوم بتسليمها لمجلس المدينه وتحصل منهم علي خطاب موجه لنقابه المهندسين الفرعيه التابع لها مكان حضرتك
13 - يتم اعتماد كل الاوراق من نقابه المهندسين ( كل الرسومات + النوته الحسابيه + نقرير التربه + تقرير الصلاحيه + شهادة الاشراف )
14 يتم التوجه بعد الاعتماد لمجلس المدينه وتلسيمها كل الاوراق معتمدة ليقوم مهندس المجلس بعمل رسوم نهائيه للترخيص وتوريدها بخزينه المجلس ثم يتم تسليمك الترخيص بالبناء
والله ولي التوفيق

الجمعة، 1 يوليو، 2011

خدمه جديده ل مصر الجديده

اقدامنا علي تقديم هذه الخدمه هو الاصرار علي  تعميق الحس الهندسي واستخدام التطبيقات الهندسيه ف كل المشاريع وليس فقط المشاريع الكبري .
من اقل منزل حتي اعلي برج يبني علي اساس هندسي  باغين بذلك وجه الله تعالي .

والله الموفق